القلـب كنـه بالسكاكيـن يشـعـط
والروح مفجوجه كما فج الاصبـاح
ياتل قلبي تلـة الجمـس مـع خـط
وياصيح قلبي صيحة السير لاصـاح
مع نقرتن قدمـه تغاريـس واهبـط
شرار شكمانه تقـل ضـوح قـداح
عليـه حملـن بالشناكيـر يـربـط
ومهربن حملـه هراويـن واسـلاح
خايف على عمره وحملـه ومشتـط
ان مسك راح الجمس واللي معه راح
ناظر وشاف الجمس مع ايسره نـط
خفر السواحل عندهم شرطة كفـاح
قالوا توقـف مـار ماطـاع غبـط
زاح الونيت وروح الجمس وانـزاح
بثنين والثالث على الجمـس يشحـط
وان عد طبلونه عطا الجمس وارتاح
خفر السواحـل كلمـوا قدمـه نقـط
مراكزن صكة على قـدم الاجنـاح
الدرب قدمه يـوم حيصـر تـورط
ماعاد يمديها مع الـدرب مصفـاح
صكوبهن مع كل صـوب وتلخبـط
واطلق عليه النار مع كـل الاشبـاح
مع بابه الايسر ضرب عرض واغبط
صوب وطاح وطاح عن همته طاح
كلبش وحط القيد فـي رجلهـا حـط
ودوه للتحقيـق واسلـوب الايضـاح
عقب العصا والسجن والفرش والبط
دانـوه بالترويـج وافسـاد الارواح
وحكم عليه اعدام بالسيـف الاسلـط
وصدر قرار الحكم في بيض الالواح
تقسيـم ميـم ودال بالامـر يضبـط
فـي ساحـة المذبـح تـولاه ذبـاح
قدمه شـرط وواقفـن قبلـه شـرط
وجه نواح ومثلهـا وجـدي نـواح
عليك ياوجدي يابـو عنقـن انـوط
*اول صبرة وكمل الصبـر وانبـاح
لو ان مخلوق علـى الصبـر يغبـط
لكان صبري جاب لي كل الاربـاح
نصيت من قرنه على المتن يمشـط
نكسـت لاشفتـه ولا ضالمـي لاح
ارضه بياح ويكشف الجمـس لاقـط
والارض تفضح واكثر الناس فضاح
ولاعندهم منهـو بوضعـي توسـط
ومضرين نفسه على كسب الامـداح
ضاقت بي الكورة كما خرق مخيـط
واضوق من السبحه على سلك مسباح
ماذوق حلو النـوم والجفـن ماغـط
سهـران والله ماتهنيـت بـامـراح
عدي عضيض السو من ناب الارقط
لاكض بانيابن تقل مضـرب رمـاح
اول سبحت مع الهوى شط مع شـط
واليوم غرقني عقـب مـان بسبـاح
